بقلم الشاعرة /جهاد نوار
أنا من غيركم عمرى ما هخسر
مهما هيحصل ليه
ليه فاكرين ان انتم أكبر
من كل اللى انا فيه
انا وياكم كنت بأسوأ حال
كنت بخبيه
غلطة عمر ان احنا نفسر
كل ما بينا بخير
فيه ناس شرها مش متقدر
غير بعد ما تحصيه
قالوا البعد عليه مش نقدر
قلت هيحصل إيه
لما الأخ يبيع اخواته
مين بعدها يحميه
ظهره هيبقى مكسور ذاته
مش هتحن عليه
هى الدنيا باللى ماليها
دار فانيه إنما إيه
فيها بنبنى طريق الجنة
بالخطوة هنمشيه
وطنك اهلك، قبل ما تهلك
بالحب تخليه
دار مليانة بخير، لو جالك
مين مش تسأل فيه
