في اهتمام في الأيام العادية اللي بتمر بيها في حياتك.. زي اول واحد اصبح عليك.. اجيب لك الشوكولاتة اللي بتحببها ..ما يمنعش برده ورد جميل ..هدية حلوة..
لما تكون مقريف اسهر احكي معاك طول الليل على التلفون..
اشكر فيك قدام الشلة
اصبحك بكلام حب وامسيك بيه..
ابقي عايز أقضي الوقت كله معاك ونفضل نعيش الاحلام إن ده حب العمر اللي عمرنا ما شفناه..
لكن دائما أقول الأفعال هي اللي تبين الحب
الأفعال الحقيقة.. والرجولة او الصاحب الحق.. او الحبيب إللي يعتمد عليه.. او الزوج ابن الاصول.. او الاخ وصلة الدم ..كل ده اختيار الشدة.. هو اللي بيبين الحب ده
حب بيسندك كده ويقويك وليس مجرد كلام.. الشدة اللي دايما بقع فيها بعد كل صلاة استخارة اصليها للقيام بأمر ما او دعاء الاستخارة اجد نفسي أمر بشدة عصيبة تكاد تودي بحياتي
لاكتشف بعدها أن الشدة تغربل
السند والأمان الحقيقي
بعيداً عن كلمات الحب الجامحة والتي لا اشكك فيها ..ولكني دائما أقول أن الحب والتآلف والكلام الحلو كي نستطيع أن نعيش مع بعضنا البعض ونتقبل عيوب بعض
أما السند والأمان دي صفات أخري اهم واقوي من كلام الحب الذي نكتب عنه فهو مجرد صورة تجميلية للسند والأمان
عشان كده لازم نعرف
إن الشدة هي اللي بتبين
إنت ممكن تستمر في علاقة ما
او تنهيها بكل احترام
لأنه إذا لم يكن ارتباطك بالشخص الآخر فيه إحساس بالأمان فلا داعي لهذا الارتباط
خالص تحياتي
هاله فوزي الشامي
