بصراحة مواضيع كتير اوي
عمالة اشوفها وأقرأ عنها يعني
وحاجات غبية بتحصل كتير في العالم الافتراضي
يعني مثلا اللي بيحكي عن سعادته وفرحته
او ولاده تلاقي تاني يوم اللي يموت او يفترق
او حياة تتهد 😭
واللي تقبل صداقة ع الفيس
و تلاقي الزن اشتغل.. احب اتعرف.. عينك
حلوة ابتسامتك ما اعرفش ايه
وتلاقي اتصال فيديو
ده ايه العشم اللي واخدك ده 😏
وتحس انه داخل كانه معرفة قديمة 🤔
والا الهانم اللي تكتب على السيرة الذاتية بتاعتها
الخاص ممنوع
وهي داخلة علي خاص لراجل
غريب ما تعرفوش بلاش رمي جتت
ده ايه ده بالضبط 🙈
والا اللي بيعلق لواحدة ست في العام
كانه الحبيب المتيم 🥺
حقيقي الفيس ده أسوأ اختراع
للناس اللي ماعندهاش اخلاق😡
الصداقة لما بنقبلها بتبقي على الفيس فقط
السعادة يا اخوانا
انك تداري على شمعتك
وتخبي فرحتك
وتحجب عيون الناس عن رزقك وعن ولادك
مش هنكسب الملايين.. لو اتغزلنا في بعض قدام الناس
والست اللي بتقبل صداقة رجل ع الفيس
ليست مستباحة. وليس لك الحق
ان تسالها اي سؤال شخصي
لازم نحترم بعضنا اكتر من كدة
صحيح لولا رداء الستر من الله
ولولا ان الذنب ليس له رائحة
لفضح اناس كثير على رؤوس الاشهاد
اتقوا الله وللأسف اتضح انه لا بحجاب ولا نقاب
ولا بلقب ولا بتبرج
المحترم محترم ف الخفاء والعلن
بقلمي هاله فوزي الشامي
