يا بحر يا واخد كل أسرارى
كتبت أمل خفاجي
يا بحر يا واخد كل اسرارى
معاك برتاح واقوال كل اللى فى بالى
اوجاعي واحزاني وكمان افراحي
تاخدني سنين وسنين توديني
واجى عندك أقول تانى
يا بحر ملوش قرار
برمى سرى فى أحضانك
رويت قلبى وسر دمعتى
تحفظها فى اعماقك
تريحنى وتبعدنى وتعيشني
فى عالم تانى
بتسمعنى وتهمس لى
واعيش معاك احلامي
بافراحك نسماتك
وكمان معاك اقول احلى اشعارى
تيجى موجة اوشوشها
وتروح موجة بأسراري
وكمان اصدافك تسمعني
وتروح وترميها فى احضانك
وتخرج موجة تتمرجح
وتقولى يلا نحكى من تانى
يا اوفى صديق وقت الضيق
يا بحر يا واخد كل اسرارى
