بقلم الشاعر : حسن حلمى
لساه دى البيبان
موجوده بالمكان
بس اللى جوه فين
نايمين تحت التراب
واحنا اللى مغرورين
فاتحين للدنيا باب
عاملين مليون حساب
للناس الخداعين
بوشوش متلونين
وتعدى دى السنين
نشتاق لناس زمان
نهرب من ده المكان
لنعيش ياناس يومين
ونخبط على البيبان
نسأل عن اللى كان
يسقينا ده الحنين
ايام وسنين زمان
دول كانوا طيبين
مش زى ناس وناس
عاملين ولاد اصول
بس الوشوش تبان
بالنظرة غدارين
والقلب ياما شال
جواه سواد سنين
عارفينك تبقى مين
