كتب :د. ريمون العمدة
نصيحة للناس اللي تعبت من علاقات بتستنزفها
ابعد عن العلاقات اللي بتتعبك
اللي بتضغط عليك
اللي بتشيل هم وانت بتتكلم معاها
اللي بيقلل منك ومش بتحترمك
اللي بتتكلم معاها وانت خايف
اللي مش مستريح ومتوقع منها الغدر في أي لحظة
اللي في كل يوم بحال
اللي بتستنالك كلمه عشان تغلطك وتحاسبك
اللي حتى لو مش غلطان بتخلقلك مشكلة عشان تبقى غلطان
اللي مش فارق معاها زعلك أو غيابك
اللي سهل عنده يخسرك
اللي مش يشبهك
اللي مش بيحبك
اللي معيشك في هم ونكد وحزن
اتعب يوم وارتاح باقي الأيام واقطع علاقتك بالناس دي
وصدقني هتلاقي احسن منهم ألف مره
انت بس اللي مكنتش شايف غيرهم
انت بس اللي كنت شاريهم وهما بيبيعوك وبيشتروا غيرك
حط في دماغك أن الدنيا ماشيه ومبتقفش على حد
وكل يوم الأرض بتدور والشمس بتطلع والدنيا بتنور والعصافير بتغنيلك
استمتع بحياتك ومتخليش حد يسرقك
