كتبت// أحمد علي صابر الاماره
الرجاله بتتحط تحت ضغط و بتواجه صعوبات بتخليهم مش عارفين يعبروا عن مشاعرهم و ده بيأدي لنمو صفات مكروهة تسمى بالذكوريه السامة، و كتير من الرجاله فاكرين أن هي دي الرجوله الصح، مع انها مش صحيه، و مؤذية ليهم و للحواليهم.
كبت الرجاله لمشاعرهم بيعرضهم لخطورة كبيره للاصابه بأضطرابات نفسيه خطيره زي اضطراب الشخصيه الحدية و اضطراب الشخصيه المعادية للمجتمع، و اللي بيمثل عائق كبير على حياتهم الاجتماعيه، و في بضع الأحيان بيؤدي للانتحار. و أيضاً يؤدي إلى تذبذب الشخصية و إنعدام الإحساس بالثقة و الذات.
الرجوله في التفاهم والمشاركه والتقدير مش في التحكم وفرض السيطره
٥٥٪ من الرجاله شايفين ان الراجل المفروض يفرض تحكمه وسيطرته علي الست الموجوده في حياته
المعايير المزدوجة في مجتمعنا بتشجع الرجالة و بتديها صلاحيات علي وصم الست، و ده بيدي الرجالة صلاحيات علي ” أن الراجل يعمل اللي هو عايزة عشان هو راجل” ،في النهاية لو الفعل ده غلط هيبقي غلط علي الطرفين الغلط غلط علي الكل مش علي حد و حد.
عاملها بحب وتفاهم هتلاقيها راضيه ومبسوطه في حياتها معاك
اوعي تفتكر أن تصلب الرأي هو دا الصح بالعكس ربنا قال ورأيكم شوري بينكم ماقلش رايك انت لواحدك ولو معملتش كده فاهياثر علي رجولتك في شئ لا طبعا
الراجل بحكمته بعقله وبطريقته في اختيار الحلول الوسطيه الصحيحه لحل اي مشكله يمر بيها مش بالعصبيه وانك تحكم رايك لمجرد أنك أنت الراجل وبس
عاملها برفق ربنا قال رفقا بالقوارير مالقش تتعاملوا معاهم بحديه وعصبيه
مقلش نحط قدامهم شروط للبقاء
عادى جدا لم تتفاهم بالحسنه مع شريكة حياتك لم تتعامل معاها بحب ربنا قال الرجال قاومون علي النساء
انت قادر بافعالك الطيبه بحنيتك معاها باحتوائك ليها
مش قادر بعنفك وزعيقك والتطاول عليها لفظا وفعلا
عادى انك كراجل تشارك في شغل البيت شغل البيت مش معمول للستات وبس والستات مش مكنها المطبخ
مجتمعنا بيرسخ عند الرجالة فكرة أن الست مكنها المطبخ و بس، و في رجالة كثير بتتجوز لمجرد انه يلاقي واحدة بتخدمه في البيت. لاكن في الحقيقة إن مشاركتك في شغل البيت كراجل مش هتقلل من رجولتك ، شغل البيت مسئولية و من أساسيات الحياة.
