حكايات كتير جوه القلوب
متشتته ملهاش مكان
بقلم أمل خفاجى
حكايات كتير جوه القلوب
متشتته ملهاش مكان
حكايات كتير لها الف معنى
ووصف كمان
وفى حكايه ملهاش مثيل
بين البشر
عدت عليها سنين كتير
ليها الف معنى وذكريات
ذكرى حلوه والف مره
الحلو منها عدى وفات
ومرها ملوش قرار
بنعيشها لسه بين الآهات
تنزع كلام وتقول كلام
كله أنين من قلب فاض
عارف إنه كان وكان
لكن ساعات عقلك
يروح بدون سؤال
عايز اجابة ولابد منها
سكت ليه من زمان
ماكنت قولت وارتحت
من شدة ظلام
ملوش نهار
حكاية عدت وانتهت
من زمان من وقت
فجره غاب وشمسه
غيمت قبل الأوان
حتى الطيور هجرت
مفيش أمان
وقلبى تاب من كان وكان
حكايها حلوه والتانيه مره
وسنين عذاب
حكايات كتير جوه القلوب
متشتته ملهاش مكان
