دوس ع الزناد
واضرب رصاصك
جوه مني
واستخبى واجري مني
ماانت عارف ان صورتي
ليك هتبقى معذباك
هيفضل صمودي
صوره ليك دايماً تهينك
وأنت كاتم جوه منك
صوت انينك
مستنينك بره لسه
اخوات كتار
هياخدو تاري وكل تار
دم الشهيد أصله غالي
وعند ربه فوق وعالي
لسه عايشين الانتصار
دوس على زناد النداله
الخسه اصل وطبع فيك
داري نفسك جوه جحرك
مش هتلاقي اللى يداويك
دم الشهيد أصله غالى
عند ربه فوق وعالي
لسه هنعيش الانتصار
ابو رامى الاسوانى
٢٠٢٣/١٠/٢٠
