_____
بقلم: د لحظة حسن
_____
حقك عليا ياحبيب أمك مش عارفه أعملك حاجة قلبي بينزف عليك وأنت بتموت وأنا بتفرج عليك
مكسوفة منك ياحبيبي لو شوفتك يوم القيامة انى معرفتش أحميك ولا أدافع عنك
إزاى بناكل ونشرب ونتعالج وانت إتحرمت من النَفَس
ازاى بنعيش حياتنا ونحكى عنكم وكأنها قصص فاتت وحرب انتهت وانتوا ادامنا مجروحين وشهدا وإنتوا من غير بيوت من غير أكل ولا علاج دا إنتوا حتى من غير هدوم
سامحنى ياحبيبي موقفك اجمل من موقفى يوم القيامة وعزايا اشوفك داخل الجنة قبلى مانت صابر وربنا قال إنما يوفى الصابرون اجرهم بغير حساب يبقى يابختك
حتفرح وحتتربي فى حضن سيدنا ابراهيم وحتاكل وتشرب من الجنة امك وابوك حيجولك ماتخافش ولاتحزن وكفاية بقى وارتاح٠
بس ارجوك ماتشتكينا للنبي الا كسوفنا منه حيبقى شديد حنقوله ايه كان نفسنا نحررالاقصى بالكلام بالتمنى بالتفاوض مع اللى بيسبوك مع اللى بيكرهوك مع اللى بيتعالموا مع قومك على انهم أسياد ونسيوا انك يانبينا سيدهم وهازمهم وسكنتهم الخراب ٠
ارجوك يابنى ماتشكينا للنبي ألا الوجوه منه فى التراب
