كسره النفس…….

……… كسره النفس………
بقلم سناء عمر
. زي مافي ردود بتجبر الخاطر ، و تراضي النفوس ، في ردود بتكسر الخاطر و تسبب حزن و كسرة في النفس مالهاش حدود ، خاصة لما تكون من ناس قريبين أوي لقلبك و ليهم قيمة كبيرة عندك..
علي قد قيمتهم و حبك ليهم ، علي قد ما بيكون
زعلك منهم..
اقل كلمة منهم بتجرح مشاعرك و توجعك ، لانك مابتكونش منتظر منهم هما بالتحديد انهم يوجعوك ، ودة بسبب عشمك فيهم ، عشان كدة بتاخد الكلام وتسكت ، تسكت خالص من غير حتي ماتعاتبهم وتحسسهم انك زعلت ، بتسكت عشان مش عايز تدخل معاهم ف اي جدال او نقاش من اي نووع ، عايز الدنيا تمشي في هدوء ، لانك مابقتش حمل اي وجع ، ولا حمل أي نقاش .. انت متلصم بالعافية..
لما تلاقي شخص كان لطيف و صبور و متحمل و فجأة اتغير بقى عصبي و خلقه ضيق !
أو بينسحب بسرعه من النقاشات
متقولوش إنتَ اتغيرت ..
متستفزوش أكثر لأن هو غالباً مش هيوصل للمرحلة دى إلا بعد ما يكون استنفذ كل طاقتة في الجدال والمسايرة و الصبر و خلاص تعب..
ما ينفعش تديله الطاقة اللي يجادل و يتحمل ، و يرسم على وشه ابتسامه و يتعامل مع كل المحيط بيه بمنتهى الاريحية و رحابة الصدر ..!
قبل ما تقول لشخص ” انت اتغيرت ”
شوف ايه الظروف اللي حواليه اللى وصلته لكده ..
شوف كام مرة هو كان فيها لطيف و كويس و صبور و مهذب في أسلوبه مع الكل ..
لٰكن ببساطة بطاريته فضيت ..!
ارحمو قلوب بعض ، القلوب مقفولة علي وجع مايكفيش فيه كل كلام الدنيا ، ارحمو قلوب انتو اكتر ناس عارفين انها صبرت و قاست و اتحملت فوق طاقتها ، ف والله لو دخل كل منا قلب الآخر لأشفق عليه..