ساعات وانتوا خارجين من تجربة اخدتوا ثلاثة ارباع عُمركم صبر وتحمّل وايثار و تعب ….
بتكون محتاج تحتضن نفسك جداً ، صعبان عليك كل الهلاك النفسي اللي عشته بسبب حد اتعوّد انه ياخد وبس …. يهزم وبس ، يألمك وبس ، يستقطب من عافيتك وصبرك وطِيبتك وحنيّتك. ….و ينتظر مِنّك الغُفران طول الوقت ….
كل ده وانت مش واخد بالك
انه وهو بيستنزف ده كله ….بتكتشف انك في النص فقدت جزء كبير من عُمرك مش هتعرف تعوّضه …
ساعات بتكتشف ان كل وظيفتك في الحياة إنّك تكون ” انسان مُستَهلك ”
مُستهَلك بمعنى الكلمة ….
ومهما عملت انت مَُلام ومُقصِّر …ولا تستحق …..
لذلك في حديث ل سلمان الفارسي عن أبي الدرداء قال
” لنفسك عليك حق” 👌🏽 وأيد هذا الكلام النبي صل الله عليه وسلم
اقرأها تاني كده ” حق👌🏽”
اياك تضيّع حقّ نفسك مهما جيت على نفسك عشان تسعد غيرك …..
لبّي احتياجات نفسك وانت بتلبّي أمنيات غيرك …
ما تخليش عجلات الزمان تُفرمك في السكة اللي مشيتها بمزاجك أو غصب عنك ….هييجي عليا وقت وهتلاقيني بطلت أبين لك إنّي زعلانة من تصرُفاتك ودا مش معناه إن تصرُفاتك ما بتضايقش لأ خالص، بس اللي هو كفاية بقى.. كفاية زعل، كفاية عِتاب، وبعدين ما أنا ياما زعلت وياما عاتبت، استفدت إيه؟ ولا حاجة، فخلاص قررت إنّي لا هعاتب ولا هزعل وطالما أنا وصلت للمرحلة دي فإنت كدا خلاص ما بقيتش تفرق معايا.🖤تكرار الغلطات وقلة الذوق بيخلونا نجيب اخرنا .. ومع الوقت خلاص بيعلموك تختار نفسك وتفضلها عن الجميع وتبطل تعمل حساب لأي حد ..
مفيش بني آدم خلقه ربنا إلا وكان له آخر مهما كان قوته على التحمل وصبره كبير .. ومهما كان ودود ومتسامح في النهاية لازم هيقف عند حاجات محدده لا هيقدر إنه يعديها ولا ينفع يتقبلها بأي شكل مهما كان … مش هيقدر يتحمل كم الظلم اللي بيتعرضله والوجع اللي بيحس بيه لما بيتأذي من الناس اللي هو اتحمل عشانهم المُر
ف محدش يستهين باللي بيعدي المواقف واللي بيسكت ويتغاضي عن الغلط مرة واتنين وتلاتة وعشرة اللي بيعمل نفسه مش واخد باله بمزاجه لكن وقت اللزوم وقت ماالامور تزيد عن حدها مش هيعمل حساب لا لغالي ولا رخيص وهيكون على حق✋حاجة بايخة جدا ان مكانتك ما تبقاش واضحة عند اكتر ناس بتحبها انت مش عارف هما بيحبوك زي ما انت بتحبهم ولا هما بس بيحبو الحاجات الحلوة اللي انت بتعملها عشانهم
طيب هل قيمتك كبيرة عندهم لدرجة انك لو غيبت عنهم مزاجهم بيبقى وحش زي ما بيحصل معاك لما بيغيبو عنك
كان في لقاء تليفزيوني قديم المذيع بيسال الفنان الراحل خالد صالح وبيقول له تفتكر صحابك بيحبوك فرد عليه وقال انا بحبهم رجع المذيع ساله تاني وهما رد عليه وقال له اتمنى يكونو بيحبوني اد ما انا بحبهم اتمنى بس انا بحبهم فحرفيا مفيش اصعب من انك ما تبقاش واثق في مكانتك عند الناس اللي بتحبها حقيقي الموضوع موذي نفسيا بشكل كبير..👌
