- قصيدة انت مسؤل عن القضية الفلسطيني
بقلم الشاعر والإعلامي أحمد عساف
أنت مسؤل
هو احنا ليه بقينا للقضيه بايعين
ليه علي القتل والظلم ساكتين
خايفين عشان ضعفا ومش قادرين
ولا عشان عملين مش شايفين
فينكم ياعرب ليه مش متوحدين
دا لو مكانش عشان نصرة الدين
والاقصي اولي قبله المسلمين
يبقي عشان احنا بني ادمين
ازاي نشوف ابهاتنا وامهاتنا مقتولين
واخواتنا واطفالنا محروقين
ولسه بنشجب ونحذر وندين
دا لو حجر كان يلين
ويبكي وياخد موقف
عشان اللي بيحصل في فلسطين
ازاي احنا قادرين
نبقي مع دا عايشين ومتاعيشين
وصابرين علي ظلم المعتدين
فين الكرامه والنخوة والشهامة
السكوت علي الظلم جريمة وخيانه
عار علينا واعظم اهانه
اسود وشنا و كترت الملامه
ياعرب
عايزين نلحق الضوء الباقي في الغيامه
النهارده جه وقت الردود
احي الكرامه اللي بتموت
بعلوا صوتك قول انا موجود
بعبد ربنا مش للغير معبود
خليك مع الحق في صمود
انتفض للانسانيه
القضيه مش بس دينيه
اللي بيحصل لو سكتنا عليه
بكرة جاي ليك وليا
بلاش تعيش في العبوديه
واتحرر وثور من أجل الحريه
يامه ياعربيه بلاش مطاطيه
الحياة محتاجة اقويه
وماينفعش
علي حساب الأخوة تبقي المرضيه
و لو علي الموت
الموت في الحق شرف ومباهيه
اما العيشة في الظلم والذل عيشه مخزيه
انتفض وثور
وبلاش تخلي بين الحق حاجز وسور
حارب وخليك محارب جسور
متفرطش في عرضك وشرفك وتقول مجبور
واعرف ان مهما طالت العيشه رايحين القبور
بشرف وكرامه عيش وموت
وارفض لغير الله السجود
ياعربي
كون او لاتكون وانت علي كل شيء مسؤل
