فيها ايه يا ناس يعنى
لما اتكلم أو استسلم
مره بس لظروفى
مهو خوفى معشش جوايا
وزايد اوى فى قساوته
وندالة البعض اهى باينه
في وشوش مليانه بمعانى
تقرأها من اول نظره
وعيونك لو مره تدمع
او حتى كانت يوم تلمع
من حلو كلامهم أو لومهم
ويغنو علينا ونسمعهم
ونسقف ليهم بأيدينا
وبناخد منهم يكفينا
كره وحقد وتعاقيد
مغزوله ف حبة عناقيد
والمعنى ف كلامنا يا ساده
تعبنا منهم بزيادة
ابو رامى الاسوانى
٢٠٢٤/١/١٣
