الانسان بيمر بفترات (فتور) بتختلف فى مدتها وشدتها واسبابها
فترات بتكون عايز تعمل (ولا حاجة )
بتبقي فترة انعزال بارادتك واختيارك علشان ترجع الهدوء تانى لحياتك.
لكن فى ناس تانية بتستغل الفترة دى انها تشحن طاقتها تانى علشان ترجع اقوى زى انها تقرا او ترسم او تمارس نشاط بتحبة وبتستمتع بيه بعيدا عن الروتين واللازم
الفيلسوف والكاتب الروماني: اميل سيوران كان بيقول..
“انت مدين لحزنك وانطوائيتك.فلولاهما لما قرأت كل هذه الكتب،ولما شاهدت كل هذه اللوحات والافلام،ولما سمعت كل هذه الموسيقى التي تصدغ في ذهنك لتخلصك من وساوسك،هي من صنعتك وجعلت من عالمك شيئاً اخر لا يشبهه غيرك”
الجملة حقيقية جدا ويمكن كل واحد فينا مر بفترة زي دي
وفعلا بعدها بنتغير ومش بنرجع زي الاول..
بس من فترة برضه شدتني جملة تانية في كتاب
للكاتب د/احمد خالد توفيق
كان بيقول
“الخطأ الثاني هو انني انعزلت و قرأت اكثر من اللازم،بينما كان
زملائي يمارسون الحياة ولا يقرأون عنها ”
الاتنين صح بس الفكرة كلها ف انك تعرف امتي تبعد وازاي تقدر تستغل الوقت ده وازاي تقدر ترجع تمارس حياتك بشكل طبيعي بعد الفتره دي تاني.
سارة وجيه
