جيهان عبد العزيز تكتب.. لما تكون عايز تبطل عاده سيئة

لما تكون عايز تبطل عاده سيئة.. بقلم جيهان عبد العزيز

زي التدخين او الاكل المفرط حاول تستعمل الطريقة دي.
متقولش لنفسك “لا مش هدخن او مش هاكل”.. لانك هتفضل في صراع نفسي بتحاول تسكت الصوت الي في مخك الي بيقولك “يلا دلوقتي” و ده مجهود ذهني كبير و بيلهيك عن اي حاجه تانيه كنت بتعملها في اللحظة دي.

*حاول تبدّلها بالطريقة دي:*
قول لنفسك “انا ممكن اكل او ادخن.. بس كمان ١٠ دقايق.”

كده هتكون عملت حاجتين:
١- هتسكت الصوت الي جوا شويه و هتعرف تركز في الحاجه اللي بتعملها

٢- هتكون انت صاحب القرار بدل ما كان عقلك الباطني هو صاحب القرار و بيحركك من غير ما تكون مسيطر عليه

ال ١٠ دقايق دول بعد كده ممكن يبقوا ١٥ و ٣٠ و ٦٠ دقيقة بالتدريج و انت و شطارتك.

و ده ممكن تطبقه علي تصفح السوشال ميديا و لعب الPlayStation و اي نوع من انواع العادات الي عايز تسيطر عليها.

*سيطر علي عقلك الباطني و خليك صاحب قراراتك.