تكتبه / ساره وجيه
فى رواية “الشيطان يعظ” لنجيب محفوظ شدتني جملة حقيقية بتقول ..
” وما اكثر العفة المتولدة عن العجز”
نجيب محفوظ اختصر كلام كتير جدا فى الجملة دي
الجملة دى بتعبر عن لسان حال المعظم من الناس اللي بتدعي التدين والمثالية وبتصدر احكام على الغير لمجرد أن أخطائهم ظاهرة للعلن اكتر منهم بشكل أو بآخر ، الحقيقة ان انت مش بتسرق لانك مش محتاج او مش فى ظرف يتطلب منك انك تسرق ،، انت مش بتمارس اى نوع من الانحرافات لآن المجتمع فارض عليك عادات وتقاليد معينة تمنعك عن ده،انت مش بتقتل لان مفيش عندك سبب او دافع يستدعي القتل،انت مش مدمن مخدرات يمكن لان لسة مجاتش قدامك الفرصه لحد دلوقتي .
بأختصار ربنا هيحاسبك على المتاح قدامك وانت قاومتة مش اللي مش متاح اصلا وانت بتدعي الفضيلة علي حسابة،
كلنا عندنا عيوب بس يمكن النسب مختلفة ..كلنا عندنا ذنوب بس ربنا ساترنا.. من منكم بلا خطيئة فليرمها بحجر .. محدش فينا كامل .
