______
محمد رجب
_____
مابين وجودى وعزلتى داير جدال
انا كنت فاكره اسمه الصراع
لما الدموع دابت فى كدبة قوتى
وعيونى ضجت م البكا
والحزن فارش حسرته بين الهموم
ولقتنى انا.. مبقتش انا
لمّا لقتنى واحدة واحدة بانتهى
واتوه فى زحمة سكتى
وإنداس بترس الغدارين
وانزاح شوية شوية من طعم الحياة
تنزل ستاير غربتى ترسملى ليل
والليل يطوٌل ويا السهر
من غير حبايب او ونيس
ياسجن قلبى اللى إنكسر
ويٌا خياله وغربته
يا هل ترى فعلا انا إنسان غريب؟
وإلا الغرابة فى دنيتى ؟
بتدوس على قلب البشر
