القصة بتبدأ في الأربعينيات لما كان مهندس أمريكي اسمه إدوارد مورفي بيشتغل على مشروع اختبار أنظمة الصواريخ. مرة من المرات، واحد من المساعدين بتوعه ركّب أجهزة الاستشعار بشكل غلط، وده تسبب في نتائج تجارب سيئة. وقتها مورفي قال جملته الشهيرة
“لو هناك احتمال لحدوث خطأ ما فسوف يحدث “
ومن وقتها اتعرفت بقانون مورفي.
وفى مؤتمر صحفى وقتها قال واحد من العمال ان السبب الرئيسي فى ارتفاع معدل السلامة فى المشروع بيرجع لقانون مورفي .
كمان وكالة ناسا وصناعة الفضاء اتبنت قانون مورفى وانتشرت قواعد القانون فى الصحف والمجلات وقتها وكانت بتغلب على القوانين روح الفكاهة ممزوجة بالتشاؤم الساخر.
في حياتنا اليومية، بنشوف قانون مورفي في مواقف كتير. مثلاً:
لو مستعجل وعندك ميتينج مهم، هتلاقي إن عربيتك مش عايزة تدور.
لو بتعمل شغل على الكمبيوتر ومش حافظته، هتلاقي الكمبيوتر يهنج أو الكهرباء تقطع.
القانون ده بيفكرنا إننا لازم نبقى جاهزين لأي حاجة، ونتوقع إن المشاكل ممكن تحصل في أي وقت. علشان كده، التخطيط الجيد وتحضير خطط بديلة بيساعدنا نتفادى تأثيرات قانون مورفي.
في النهاية، قانون مورفي مش عشان يخوفنا، لكن عشان يخلينا نكون مستعدين ونفكر في الحاجات اللي ممكن تغلط ونحاول نتجنبها.
