بقلم الشاعر : حسن حلمى
عدت يادوب
زى النسيم
ما بيلمس الورد بحنين
وقت الغروب
والعين تشوفها
تبتسم
وكأنها لسه يادوب
شايفه النهار
سألت عيونها
دى العيون
هو انت اصلك مين يكون
وأنا دوبت دوب
الورد فتح
على الخدود
والعطر فاح على كفي عود
امتى تعود
قالت سلام
قبل الكلام
ما يدق بابنا بالغرام
وتبعد قوام
طب تبقى
مين
لما العيون
تنظر عيونها
وتبتسم
من غير كلام
وتفتح الجرح
القديم
اللى بجمرات الزمان
كويته نار
وفى يوم قفلته من سنين
قبل الوجع
ما يزيد آهات
فاتت سنين
جوه العيون
يسكن يا ناس
النن حته من القمر
والشوق مسافر
بالسحاب
وكأنها ليلة سمر
زيدني غرام
يمكن تكون
ساكنه السحاب
وأنا قلبى من نورها انفطر
وقت النهار
عدت يادوب
زى النسيم
ما بيلمس الورد بحنين
وقت الغروب
أكتب يا شاعر
دى الوصوف
يمكن بيوم تقرء الحروف
وتبتسم
من غير ميعاد
بقلم الشاعر: حسن حلمى
