بقلم الشاعر: حسن حلمى
لساك يا ليل
طبعك غريب
نورك قليل
حتى السفر وياك طويل
لسه القلوب
عشقاك يا دوب
سهرانه تسأل دى النجوم
امتى نفوق
من حلمنا
و
نحس ضمة تضمنا
من غير وجع
من غير الم
من غير كمان دمعة ندم
على كل حاجه
حلوه كانت
ضحكة و عيون متبسمه
معقول يا ناس
هتضمنا
بعد ما تهونا بحلمنا
وسألنا ليه
ليه العتاب
معقول دا ساكن حينا
وبيبتسم
من غير ميعاد
وقت الوجع
وقت الضياع وسط الطريق
والخطوة
ماشية يا دوب بطئ
معقوله دا يبقى صديق
يبقى قريب
مني
وحبيب
معقول ياناس
طبعه غريب
زيك يا ليل
مالك حبيب
مره
يصاحب خطوتك
ألا وتاه
فى عتمتك
مش قلتلك
قبل ما تبدء
خطوتك
اسمع كلامي
وغنوتي
دا أنا قبل منك ضحكتي
كانت يا ناس
تعلى لفوق
حد السما
حد السحاب
حد النجوم ما تنام بليل
وأهين يا ليل
حد يكمل غنوتي
قبل الهموم
ما تزيد يا ناس
دا أنا ضحكتي
خلصت خلاص
بقلم الشاعر:حسن حلمى
