( حكاوى الليل )
بقلم الشاعر : حسن حلمى
ما تستنى
ما يمكن ليله تتمنى
تسلم بس
على كفى
وأقولك
لا ما يلزمش
أنا اصلا يادوب
فاكرك
مسكت
أيدي لتخطى
وأنا اللى
كنت يوم ضلك
وسيبت الكل
وفاضلك
وبرسملك
طريق تمشيه
ولا يهمك
وبفرشلك
بورد النيل
على الشطين لغنيلك
غناوى
تدق بالمواويل
لتسهرلك نجوم الليل
ما بين
بابك
و
شباكك
و
نسمتها على شالك
ويومها
قال رماني الشوق
و
قلت أسأل على حالك
لقيتك
قال ولا همك
ولا كأني بيوم يمك
وتمشى يومها
و
تسيني
أنا استنى
لشوف عينيك
تخون ازاى
وأنا اللى
سقيتها حنيه
وياما كتير
مسحت
دموعها دى بكفي
ولا يكفى
ما تستنى
ما يمكن ليله تتمنى
تسلم بس على كفي
وتسألني
ليالى زمان
و
أقولك
فوقت يا غلبان
وعيني
خلاص
يادوب شيفاك
كده تخطى
ليه راجع تانى
تتندم
ما تنساني
و
ريحني
وسيبني أكتب
بموالي
حكاوى الليل
مع نجمة
معديه
تنور يوم
طريق امشيه
ادور على اللى
يشبهلي
بقلم الشاعر:حسن حلمى
