بقلم الشاعر: حسن حلمى
مال ايه
ده لو مال قارون
كله زايل
بس انت هاتها يارب
بجمايل
واحمينا عن شر الخلايق
من ناس وشوشهم
تضحك لوشك
وفى ضهرك الخنجر منهم يغشك
يا تقتل
الحلم
يا تجرح بعشك
آهين و آه
من ناس دى تغشك
من ناس مظاهر وتبان غلابه
والأصل دول
ولاد الديابه
تسهر عيونهم تنظر ببابك
وانت يادوب
بحسنك تخطى
وكل خطوة تحسب حسابك
ناس مين دى ناس
فى وشك تغشك
تضحك عليهم دنيا
غروره
وسهمهم راشق فى ضهرك
ويقول واحشني فينك
يا غايب
ووقت شدة يحكوا
الحكايه
ويصدقو الكدبه دى
فى روايه
والناس تقول ليهم
كفايه
ده الأصل حسنه
ساكن باسمه
وعاشق جمال وشوش
الغلابه
والكل شاهد لأصله
طيابه
ابن الأصول
ونخله ده عالى
عمره ما طاطا فى يوم للديابه
هاتي يا دنيا
كتير يلا هاتي
أشكال وشوش تسكن ببابك
تجرى ورى
المال جرى
الوحوش
وكل يوم تظهر وشوش
ضحكة
وخنجر
يسكن ضلوعك
وأنت يادوب ساكت بطوعك
خايف لتجرح
ضلع لضلوعك
مال ايه
ده لو مال قارون
كله زايل
بس انت
هاتها يارب
بجمايل
واحمينا من شر الخلايق
بقلم الشاعر: حسن حلمى
