بقلم الشاعر : حسن حلمى
مالك يا موج البحر
شطك غريب عني
تاهت نجومك ليل
ولقيك قريب مني
ياما حكينا كتير
بس أنت تظلمني
قصدك يطول الصبر
ولا أنت تحضني
ياما بغرامك ناس
ما نامت أعينهم
تدمع بطول الليل
ولا حد حاميهم
قالوا غرامك موت
قولت أنت غاويهم
مالك يا موج البحر
غدار كده ليومك
سكة طريقك ليل
والعتمة دى لونك
ناوى لتخطف روح
وتبدل هدومك
صبرك يا ليلة طويل
لنشوف بيوم نورك
بقلم الشاعر : حسن حلمى
