ابويا

ورث ابويا ماكانش اراضى

أو ببيوت أو رزمة مال

ورث ابويا كان موال

يحكيه الكل ويتحاكو

تربيته كانت ليها أصول

وفصول مكتوبه فى حياتنا

انا ورث ابويا كان هيبه

والكل بيعمل لينا حساب

والباب لو يوم كان بيخبط

كان صاحب واجب كان سداد

كان راجل يعرف ايه الصح

ربانا وطلعنا عليه

ورث ابويا ماكانش فلوس

ولا كان كنز يطلع ف فانوس

كان حب الغير والخير

فى الدم ما يسوا لينا كنوز

ابو رامى الاسوانى

٢٠٢٤/١٠/٧