بقلم الشاعر : حسن حلمى
على فين يا جميل
أستنى شويه أشرب قهوة
أو حتى نجيبلك
شاى فتلة
وأسمعلك غنوة على القهوة
لحكيلك على
عمر وعدى
فى هواك ولا كأنه بيوم عدى
على حب ما بينا
ومودة
على أيد بتخاف تجرح وردة
لخدودك
قبل ما أشوف
دمعة
دى عيونك دى بتلمع لمعة
ومين غيري
هيفهم
حكاويهم
لو حتى تصاحب مين فيهم
ولا صاحب
راح يمسح دمعك
غير بس اللى لمسته بقلبك
طبطب بليالي
على كتفك
وسمعلك
كام غنوة بعودك وخدوك
لمساها الدمعة
أستنى شويه
راح أقولك
على حاجه راح تاخدك كلك
لزمان و بعيد
على شنطة بتمسك يوم أيدها
والأيد التانيه
كده فى أيدينا
و ناخدك لبعيد
وكأن الليلة
دى يوم عيدنا
و فرحان و سعيد
ما تفارق يلا
كده كفايه
و لا أنت مستنى حكاية
تبدء لجديد
ما خلاص بطلنا
نشيل همك
و نشيل حملك
و نشيل عنك
كده سهر الليل
ولا أنت هترجع
تحكلنا كام موال
من مواويلنا
كده زى زمان
أنا بس اللى
هقولك كلمة
ما تفارق يلا وطمنا
على حالك يوم
أوعاك تنساني
و تستنى
نتقابل تانى
و تتمنى
يرجع دا
ألعيد
بقلم الشاعر: حسن حلمى
