بقلم الشاعر : حسن حلمى
حبة حاجات بتصحى فينا الذكريات
وبتفتح الجرح القديم كده من سكات
وفى لحظة نبكى على عدى بالساعات
وجعك ألم وجعك يسمعنا الآهات
على عشرة هانت من سنين قبل الفراق
حتى العيون بتخاف للحظة من لقاك
يمكن تصادف حزنها على عمر فات
او حتى تسمع همسها وقت السكات
ليلة وليالي وعمرها تلملم آهات
ياما تشوفك قبل ما تكمل كلام
كانت تطبطب قبل ما تزيد الألم
تفرد رموشها تحقق الحلم قوام
وتدور تدور تحرسك من الزمان
بس أنت ليلة بعتني وبعت اللى كان
كنت انت فينك وقت ما أحتجتك ساعات
والقلب شايل جوه منه الذكريات
حس بوجع حس بألم حس بآهات
مش بس منك بس على العمر اللى فات
كنت السند كنت الصديق كنت الطريق
وفى أيدي شمعة منورة لتموت غريق
قبل ما تمشى بخطوتك أنا بسبقك واعمل برئ
وكأني بلعب بس بفرشلك طريق
قلت أنت وقت الحاجة هتكون لي صديق
وتمد أيدك تسند الحر بطريق
مش تبتسم وتقول يا ناس دا كان غريب
أصلي كتير سمعتها منك حبيب
من يومها موت بعيني قبل ما نكمل طريق
وتمد أيدك تبتسم وتقول صديق
ما خلاص خلصنا من الحكاوى والكلام
وكفاية نظرة تقولك أنت تسوى كام
حبة حاجات بتصحى فينا الذكريات
عدت يادوب وفى لحظة نبكى من سكات
بقلم الشاعر : حسن حلمى
