- كتب محمد ايوب
اول ما تم تكليفى وكيلا لوزارة الصحة بالشرقية وجدت انه لا توجد اى وحدة لإذابة الجلطة الدماغية وساعتها حلمت وفى أول اجتماع لمديري المستشفيات اتفقت معهم ان فيه هدف كلنا هنشتغل عليه ان قبل نهاية ٢٠٢٤ يبقى عندنا ١٠ وحدات إذابة جلطة دماغية بمستشفيات نا اى فى اقل من ٥ شهور عايزين نعمل الإنجاز ده.
الحمد لله تم التشغيل لوحدة إذابة الجلطة بالحسينية لتصبح الوحدة العاشرة ولتنضم للمستشفيات التى سبقتها الزقازيق العام ، فاقوس . بلبيس . السعديين ، أولاد صقر ، كفر صقر ، ههيا ، ديرب نجم ، القنايات فى إنجاز هو الاول من نوعه فى مصر ولتصبح محافظة الشرقية حاليا بها اكبر عدد من وحدات إذابة الجلطة الدماغية الحكومية والتى تتحمل الدولة المصرية تكلفة العلاج ألذى يتخطى ال ٢٥ الف جنيه بالكامل.
شكرا لكل فريق العمل اللى آمنوا ان الأحلام بتتحقق بالعمل الجاد والتخطيط السليم والتعاون والتنسيق مع الآخرين.
الان علينا دور كبير فى زيادة الوعى لكل الناس عشان نعرف نلحقهم فى اول ٤ ساعات من بداية حدوث الجلطة.
حفظ الله مصر واهلها وجيشها الأبيض من كل مكروه وسوء.
