بقلم الشاعر: حسن حلمى
لساك يا يمه تناديني من بعيد
وتقولى فينك يا واد
بغيبة دى السنين
بتوحشني ولو كان الغياب ساعتين
ما عدت يا يمه دى السنين
وكبرنا ولسانا بعيونك صغيرين
ياريتها ما فاتت ايام الحنين
وطيبة قلبك واحنا منك قريبين
وتقولى يا واد مالك
عيونك مفارقها الحنين
لتكون نايم بليلك حزين
تعالى لضمك بشوق دى السنين
يا يمه
والله ما تدمع العين
طول ما قربك مدفيني
ولا
تهزني دى الرياح
طول ما جناحك مداريني
مشتاقك تضميني
يا واد
طيفك ما يفارقنى ليالى
ولو كنت بجبل عالى
راح تفضل بعيونى صغير
وشوفتك تكون متحير
بس بعيونك
بقرء حروف الكلام
وانت تقولى كله تمام
واهو بس كله كلام
وقلبك ياما مخبى جواه
كتير احزان
طمنى يا واد
كيفها دى السنين تعدى قوام
يا يمه
وحشاني دى الضمة
بقلم الشاعر: حسن حلمى
