بقلم الدكتورة دينا جمال
الاحتياجات النفسية .. هي الحاجات اللي الإنسان بيحتاجها علشان يحس إنه عايش بجد….مش مجرد بيتنفس وبس …. زي مثلا..
٠ إنه يحس إنه محبوب
٠ إنه مهم
٠ إنه مسموع ومفهوم
٠ إنه ليه قيمة
٠ إنه حر في اختياراته
٠ إنه في أمان
٠ إنه ينجح ويحس بإنجاز
٠إنه يكون له هدف ورسالة
دي حجات مش رفاهية.. دي احتياجات أساسية للأنسان زي الأكل والشُرب… بس للروح والعقل…
هل ينفع ألبيها لنفسي؟
أيوه… طبعا ينفع… بل بالعكس….لازم تتعلم تلبي احتياجاتك النفسية بنفسك.. علشان ما تبقاش دايما تحت رحمة الناس….لما تتعلم تحتضن نفسك… وتفهمها… وتسمع لها….وتطبطب عليها… هتقدر تدي نفسك اللي بتدور عليه من غير ما تستنى دا من حد….
يعني….
لو محتاج حب…. حب نفسك
لو محتاج احتواء… احضن مشاعرك ومتجلدش نفسك..
لو محتاج أمان.. طمن نفسك إنك هتعدي أي حاجة…
لو محتاج تقدير… شوف إنجازاتك وافرح بيها….
بس برضو…
ده مش معناه إننا مانحتاجش حد….الإنسان كائن اجتماعي….والاحتياج للتواصل طبيعي.. بس الفكرة إنك متبقاش معتمد تماما على حد عشان تحس إنك بخير….
خدها كده قاعدة….
الناس ممكن تبقى دعم… بس مش المصدر الأساسي… المصدر لازم يكون جواك انت …. دكتورة دينا جمال
