برغم انى مانيش عايش
ومتعايش ومتغصب
على حالى
………….
فانا مالى
………….
جات ماجاتش مش فارق
مانا مفارق ومتفارق
كما الايام
بنام افكر ف احوالى
وادارى الدمع ما جرالى
على كتافى كتير احمال
وطول عمر الجمل شيال
ومين شال لك ف يوم واجب
فكل الخلق لازم ف يوم
هتتحاسب
كما النخل واقف ولو مال ف يوم حاله
هتيجى ريح وتعدل له ف يوم
حاله
ومهما جات عليها غيوم وزاد
اللوم
الله كريم هينصر ف يوم حاله
نبيل ابو رامى الاسواني
٢٠٢٥/٦/١٥
