باختصار

بقلم /هالة رزق

مين اللي يستاهل تمشي الرحلة عشانه؟

—

كتير هيستنّوك في آخِر الرحلة ..

لكن اللي هيكون جنبك في رحلتك، هو اللي يستاهلك ..

اللي يحب فيك عيوبك..

يفهمك ويقدّر تعبك

و إن يوم تعبت يشيل الحلو من عمره ويديلك

يستوعب ضعفك ومخاوفك في وسط الرحلة ..

يصبر عليك في انهيارك

يسندك ويطبطب عليك

—

اللي يستاهل تعب رحلتك ..

مش اللي واقف مستنيك في نهايتها ..

لكن اللي ماشيها معاك خطوة بخطوة

يقويك ويشيل عنك ينسيك طعم الخوف

حد يمسك في إيديك ويقولك أنا جانبك

ده يبقي الدهب وسط القشره

عوض للسنين

خده ونسك وناسك وكل الخير

تحس أمان الدنيا في عينيه

وكل يوم يكبر في نظرك

حد جميل يشبه لك

أنت اللي زيك في العمر مره

قلبي مسلم جدا ليك

ومعاك أهداف العمر بحققها

يا أول حاجة أحلم بيها وأطولها

كنت ليا ونس وبيت

يارب نفضل سند وظهر لبعض

وأحس راحتي لما أكون شايفه أمان الدنيا في عينيك

أنت اللي في يوم ما قابلتك قلبي قال لي اطمن غيرهم…!

ما اعرفش خير إيه اللي عملته عشان أقابل حد زيك ؟

والله أنا عشت معاك أيام لو تطلب اهديلك عشانها عينيا ميكفيش

بس تبقي أنت معايا تبقي كملت الحكاية

يارب نفضل سند وظهر لبعض

‏بجد أعظم حاجة ممكن تقدمها لإنسان إنك تطمنه وتسنده وسط خوفه و قلقه من الدُنيا.

أحيانا تهديك الحياة شخصاً ..وأحيانا يهديك شخصاً الحياة

وفي النهاية عايزة أقولك باختصار حبك ليا انتصار …كنت أجمل اختيار …

وبجد أنت متتعوضش بحد …واللي حسيته معاك كان حب بجد..

قبــل انتهاء العام أريد أن أخـبــرك،، أنك أجـمـل هدية من ربنا ليا .