كسر الخاطر مش بس بيخلق من الطيبةجبروت ؛ كسر الخاطر ممكن يخلق وحش جواك انت نفسك تخافه وتهاب منه …كسر الخاطر ممكن يعظم جواك رغبة الإنتقام حتى لو كان ضد مبادئك …
اللى كسروا بخاطرك مايعرفوش انهم بكده بيحولوك لسلاح ذو حدين …هيخلص عليهم أولا ..
مايعرفوش إنهم بيقتلوا حبة البراءة اللى فيك و تتحول البراءة لقسوة توجعهم قبل منك
” كسر الخاطر مش شطارة …ده منتهى الحقارة ”
كسر الخاطر بيحولك لكتلة من الغضب ….بركان على إستعداد للإنفجار في أي وقت ؛في وش أي حد يفكر بس إنه يوجعك .. بركان بياخد معاه حبة الطيبة اللى باقية على شوية الحنية اللى موجودين ..
اللى استغل طيبتك في يوم من الأيام هيندم على الايد اللى اتمدت له بالخير وهو قطعها بجهله و غطرسته وغروره الأعمى …
” اللى كسرك خسران …و اللى اتخلى عنك جبان ..واللى سابك وقت الشدة ما يستاهلش لقب إنسان ” ….
عشان ترتاح وتريح نفسك 👈 …ما تديش لحد في حياتك دور أكبر من دوره ؛ ولا مساحة أكتر من مساحته ..ولا حجم أكبر من حجمه 👌✋أحنا بقينا بنبذل مجهود رهيب علشان نعرفوا نتعاملو مع الناس ..هتتوجع من شخص كنت مديله الأمان، وهتتسند من حد ماكانش في حساباتك نهائي.. هتضيع من إيدك فرصة كنت بترتب لها بقالك مدة، وهتجيلك لحد عندك فرصة تانية أحسن ومن سكة مش على بالك.. هتخسر ناس فالصو وفاشوش، وهتكسب ناس كنوز كانوا قدامك بس غشاوة اللي قبلهم خلّتك تعمى عنهم .. كل فقد وراه عوض، وكل عوض أفضل من اللي اتفقد.
