قلت عنيد
وف حبك كمان بيزيد
كل يوم عن يوم عندي
زرعتك ورده في بستاني
وبشوق السنين دايب
وسايب
قلبي في ايديكي
فاكره متهني ومستني
يشوف الفرحه
ماشافش منك غير أشواك
ياما سهرت بغزلك
نجوم الليل على ضيك
قصايد شعر
تنسيني هموم الهجر
وكل مره بتأمل
مبشوفش منك غير الغدر
واسهرلك اغنيلك
وقلبي بشوق يناديلك
وانتي بتروحي عني بعيد
يبقي لازم ابقي عنيد
هيجي اليوم واعيش زيك
وادوس بأديا على ضيك
ومن غيرك هعيش مبسوط
وخالي البال
واقول موال
علي هجرك ومن غدرك
هبطل ف يوم اغنيلك
ولا هسهر كمان ليلك
ولا هحزن
ولا هحزن عليكي في يوم
وباندم اني عشت
ف يوم في محرابك
وشلتك جوه نني العين
في وقت
ما الكل هنا سابك
وكان القلب خدامك
وياريتو
في يوم كان عاجبك
خلاص سايبك
القلب اللي في يوم دوستيه
ولا عمره
ماشاف منك حنيه
ولا راضيتيه
القلب اللي كان هايم
وصاحي نايم على حبك
خلاص سايبك
وعمره في يوم
ما هيبقي عنيد
ابو رامى الاسواني
٢٠٢٤/٥/٢٤
