ترند 24 تنشر رساله من ام لضرب مدرسه له وقطع اذنه بالشرقية

ترند 24

تنشر رساله من ام

إلى وكيل أول

وزارة التربية والتعليم بالشرقية

__________

السلام عليكم ورحمه الله وبركاته

دكتور محمد رمضان كل سنه وحضرتك طيب

حضرتك انا وليه امر الطالب احمد ايهاب كمال محمد

ابني جالي من المدرسه اليوم ( ودنه مقطوعه وجايبه دم) ولما سألته حضرتك قالي ايه ال عمل فيك كدا قالي الاستاذه انتصار صبري السيد وكيله المدرسه ف بقوله ليه قالي حضرتك الاستاذه انتصار ضربت اتنين من زمايلي بالشلوط ف بطبطب علي صحبي بقوله معلش كتبوا اسمي ع الصبوره ف قولت هتضربني عصايا وخلاص لقيته مسكتني من ودني بالمفتاح ال ف ايدها ف ودني اتفتحت وجابت دم ف روحت اقولها شوفي يا ابله انتصار عملتي ايه ودني قالتلي احسن تستاهل والكلام ده ف وجود الاستاذه مها منصور مديرة المدرسه ومديره المدرسه مقلتش حاجه ولا عملت حاجه ده كل ال حصل انا مردتش اتعدي حضرتك يا دكتور محمد علشان كتير من الناس قالوا ان حضرتك مش هيعبك ال حصل لان انا اشتكيتها قبل كدا بسبب ال بتعمله الاستاذه انتصار ودي مش اول مره تأذي ابني ومهما اعمل شكوي بتتحفظ ف الدرج ده طبعا لتعليمات الاستاذ محمد البدري ان اي شكوي متوجهه للاستاذه انتصار مبيتخدش فيها اي اجراء بمساعدته ودي مش اول مره انا اشتكيت من سنين ولغايه دلوقتي متخدش فيها اي اجراء

دكتور محمد رجاء من حضرتك تغيثنا من الوكيله انتصار صبري السيد لان ابني نفسيته تعبت منها ومش عاوز يروح المدرسه

والسلام عليكم ورحمه الله وبركاته

وشكرا لحضرتك دكتور محمد

والدة التلميذ احمدايهاب

(هند مرسى العزب)