بقلم الشاعر: حسن حلمى
لو فى يوم
سألت عينيك عن اللى كان
حاول ترجعلي الزمان
فرحة عيون ضحكة شفايف
لمسة أيدين منى بحنان
دا كان و كان كنا زمان
نعشق عيونك تبعت
الهمس بسلام
ولا الخدود يوم تبتسم
لما تعدى بالمكان
فاكر زمان
يوم بعشقك
يوم بحضن النجمة ونام
ويكون معاها ضحكتك
تملى المكان
اهين و آه من دا الزمان
عدى
وراحت ضحكتي وفارقت
مكان
وبتسألى هو أنت ليه
شكلك حزين
أنا بس شوفتك من يومين
طب كنت فين
طول السنين
انا عشت بعدك اد ايه
مش فاكره كام
انا كنت ليلة من الليالي
بكتب الإسم بحروف
بس أنت اسمك ما أكتب
قدام عيون
كنت خايف يحسدوك
أو حتى
عنك يسألوا
ويشوفو حسنك
قبل ما تشوفك عيوني
ويسهروا
حد ما النجمة تنام
وبتسألى
ضحكة عيونك
مش زى ضحكتها زمان
بقلم الشاعر : حسن حلمى
