مقترح رائع جدا

بقلم الدكتور . علاء خليل

استاذ الجراحة بطب الزقازيق

_______________________

من الأشياء اللطيفة ال بتزعلنى وتقهرنى…وتخليني اقعد افكر …هو احنا واقفين ليه كده …فى حاجات بسيطة لو اتعملت …للمريض ح تفرق كثير معاه ومعانا …فى كل الدنيا المريض بيدخل مستشفي جامعى او حكومى …علشان يكشف فى العيادات الخارجية…..اول حاجة على طول ….ياخد ورقة الكشف ( للأسف لسه بنقول تذكرة ) حاجة خيبة كبيرة ….فى ٢٠٢٥ بنقول تذكرة …مش عارف الاسم ده لازق فينا ليه ….المهم ….هى فى كل الدنيا …appointment….بس ماشى …وبعدان يعمل أشعة سونار ويعمل تحاليل ….ونجد المريض معاه شنطة بلاستيك حاطط فيها كل الورق ده …..طيب يا اخوانا ….يا بهوات….يا مسؤلين …يا عباقرة ….نعمل ملف ….File….شيك ونكتب عليه اسم المستشفيات….وشوية تعليمات كده لدخول المستشفيات…..المريض ياخد باله منها ..المريض يدفع حسابه …ذى المرور كده …هل ده صعب ….هل ده عايز ميزانية ….file…..نحط فيه كل الورق …ده كل الدكاترة بره المستشفيات عاملين ملفات …وحاطين عليها صورهم الشخصية ….طيب احنا ح نعمل الملفات دى شيك ونحط عليها صورة احمد عرابى ….ما هو ده شعار الجامعة ….والمنوفية تحط شعارها ….. وكده……بالشكل ده المريض ….جميع أوراقه….محفوظه….ومترتبه…. ودعاية للمستشفيات كمان ….مستشفي مثلا القرين…..نعرف ان القرين فيها مستشفي….وكده…..اقتراح بسيط وجميل وسهل التنفيذ….

بس قرار……قلبى وجعني والله…..فى اشياء بسيطة لكنها جميلة ….وتضيف….

______________

دكتور علاء خليل

استاذ جراحة الأورام

بطب الزقازيق