بقلم الشاعر: حسن حلمى
يا نور عيني
يا صورة وضحكة بمرايا
يا قصة وساكنة برواية
حكاوى عينيك دى حكاية
تشوقني
و
تسرقني
و
تخطفني
بسكة ومالها دى نهاية
بضحكاية
بتقرء الحلم جوايا
ويتحقق
بطرفة عين
ولا نصدق
كلام الناس يقولوا
الحلم يوم فاتك
أقول لساني
بتأمل جمال الروح
وعطر لتوبها بطمن
لفين ما تروح
كفاية عليا نظرة عين
تطمني
و
تحضني
وكاني لسه طفل وليد
وليلة عيد
تحنيلي كفوف الأيد
وتلمسني
يادوبك بس من خدي
الاقى الدنيا توب قدى
تعطرني
تقول يارب قدرنى
أشوف الضحكة بعيونك
بتشتقالى
و
تندهلى
لطول العمر ما تسيبنى
أقول حاضر يا مولاتي
يا ساكنة حروفي برواية
بضحكاية
راح احكيلك أنا حكاية
يادوب كلمة
وتتلخص بنظرة عين
بحنيه وعطر الورد
على توبك
وشال ابيض على كتافك
وكأن ما حد يوم شافك
كده بعيني
يا نور عيني
دى نور عيني
بتتبسم بنظرة عين
وتتكلم
تقولي فين حبيبي فين
يغيب عنى
يادوب ساعتين
القاى الدنيا بضلم
وبدر الكون
ما بيكفى ياناس نوره
يادوب بلمس حنين ضله
أحسه قبل ما بقوله
كفاية غياب
أنا بعدك مليش أحباب
ولا قرايب تدق الباب
وصدقنى
بتوحشني
بقلم الشاعر: حسن حلمى
