الدكتور علاء خليل
استاذ الجراحة بطب الزقازيق
________________________
العمدة صاحبى كلمنى الصبح …عنده ألم وانتفاخ فى البطن من الفجر …قال لى اكلت بطيخ بالليل ….بعدها …بطنى فيها ألم شديد وحصل اسهال وانتفاخ والدنيا مش مظبوطة …..قولت له اجئ لك يا عمدة حالا ….قال لى …اكتب لى كام دواء كده …ونشوف من هنا للصلاة …ح يحصل ايه….حاضر يا عمدة …معاك على التليفون ….ألا يا عمدة….وزراة الزراعة بتعمل مراقبة على الزراعات ذى ما بتقول…..وبتحلل الأرض وتشوف المبيدات المتبقية ولا ايه…..مافيش كلام من ده … طيب والجمعية الزراعية عندكم فى البلد….شغالة ولا ايه ….ولا لها اى لازمة …ليه يا عمدة …ذى قلتها….الود النص قال لى يا عمدة …نشتكى بتوع الجمعية الزراعية دول …ازاى يا ود يا نص ….فى رقم تليفون يا عمدة فى حتة اسمها الحى الحكومى ….فين ده يا ود …فى العاصمة الإدارية يا عمدة ….مين قالك كده….البنت سماح بنتى فى المدرسة …..تعبت من البطيخ …دخلت على النت ….بحثت…وجابت العنوان ده ….وقالت لى ياا به …انت مش معاك كرت الفلاح الساخن ليه …كرت ايه يا بت سماح …كرت فيه خط ساخن يا ابه تتصل عليه …يرد عليك مسؤل الوزارة ….ايههههه بجد يا بت سماح ….بجد يا ابه…..لازم اقول للعمدة على الكلام ده ….بس يا سيدى …الود نص حكى ليه …على الموضوع…..ولا فى فى كرت ولا احزنون……ليه يا عمدة ….مافيش رقابة على الزرع … والخضار بيستوى فى يوم وليلة …من المبيدات…..لازم تبلغ يا عمدة ….ولو بلغت ….ح يعملوا ايه … ازاى يا عمدة ….الفلاح دماغه ناشفة …ومش بيسمع الكلام…..طيب يا عمدة …استريح شوية وبعد الصلاة …. اطمن عليك ….عبقال ما اشوف حكاية وزارة الزراعة ….ح نلاقيها منين ولا منين ….وانا اقول المرضى زادت ليه ….علشان كرت الفلاح مش شغال.
الف سلامة عليك يا عمدة ….عايز عينات من البطيخ ده نحللها…..تحلل ايه …ما هى من الأرض عندنا…..ومالوا يا عمدة ….نطمن عليك ….بس ح نحللها فين ….اه….افتكرت يا عمدة ….عندى واحد صاحبى ….استاذ فى كلية الزراعة….كا بيقولى …تعب البطيخ ….بيحصل من التلوث الميكروبيولوجى للبطيخ …..بيولوجى ايه ده ….اسمه كده يا عمدة ….نكلمه…ياخد عينة من لحم البطيخ من عندك …من ارضكم…..لا….بلاش من عندنا …ليه يا عمدة …لحسن تطلع مستويات المبيدات عالية ….وبالمرة ….نقيس مادة اليكوبين يا عمدة …ايه ده ….مادة فى البطيخ يا عمدة ….يبقى هى دى ال عملت ليه المغص ….اكيد يا عمدة.
صباح الخيرات
صافى ودى.
