ايوه مقصوده بالكلام
ياللى ليكى ألف وش
وحكاياتك مليانه غش
وبدون كلام أنا مش تمام
مش لاقى اى كلمه تنكتب
توصف سيوفك ف الوريد
بس الاكيد
انى بفرد ايدى تانى
عمرى ف يوم ما اكون انانى
وكل ظنى انك تحنى
وانتى برضو متحنليش
يا صبر ايوب زاد منى كيلى
نهارى صار زي ليلى
كل حاجه اتشقلبت
واتبدلت فيها المعانى
من امانى لقولة آه
واه ب اه
اتسرسبت منا الحياه
وهى برضو وبقساوه
نستنا اى شيئ جميل
فمفيش بديل
غير أننا نعيش زى ماحنا
كل محنه تذق محنه
واللى خلا الكيل طفح
مفيش فرح
كنت بسمع عنه زمان
لسه بشتاق للمكان
الليالى والمرح
ولمة صحاب
تعبت خلاص انا م العتاب
كنا عايشين الأمان
كنت تحس بان فى حبة حنان
دلوقتى ضحكه متحجره
من وشوش كتير مكشره
ومليانه انين
هو ده الحال انهارده
كل حزين فوشه حزين
عرفتى إن ملكيش أمان
يا دنيا ليكى ألف وش
ابو رامى الاسوانى
٢٠٢٥/٦/٨
