نيجي بقي للعفن المنتشر على السوشيال
ميديا ووسائل الإعلام
أولا
(ومن آياته أن خلق لكم من أنفسكم ازواجا لتسكنوا اليها وجعل بينكم مودة ورحمه)
أنا هتكلم بس في معني السكن
اللي انتوا عايزين تخربوه
السكن من السكينة ….من الاستقرار ….من الحب
من المشاركة
السكن كل منا يركن إلي الاخر
السكن… إن زوجك واولادك يرجعوا البيت يلاقوا لقمه حلوه تجمعكم ….بيت نضيف ….جو هادي
حضرتك من الاخر
ما تسمعيش لحد يقولك
ليس عليك خدمة زوجك واولادك
السيدة فاطمه البتول الزهراء حبيبة رسول الله
لم يكن عندها خادم… وكانت يدها تؤلمها من خدمة زوجها وأولادها ….ولم يكن عندها من الرفاهية
ما هو موجود في هذه الأيام
حبيبتي…. اسعي في بيتك على زوجك واولادك فقط
وليس هناك مانع ….إنك تجيبي حد مرتين تلاته في الشهر يساعدك في المهام الثقيله
حبي بيتك واولادك وزوجك
لما تقومي تجمعيهم على طبخه حلوه من ايدك الجميلة
والا صينيه كيك وشاي…. وتقعدوا تتفرجوا على فيلم حلو
وتضحكوا وتظهروا المودة ما بينكم
لكن لو كل الأمور احيلت للخادمة
ابشرك بزواج زوجك من الخادمة وخراب بيتك
وحاجه كمان
احب اقولها ربنا اعطاك نعمة الحمل.. والولادة.. و الرضاعة عشان دي غريزة عند النساء
ودي اللي بتخلي ابنك يطلع سوي
وهادي وشبعان وعنده إحساس بالأمان والحب
وللرجل
أقول الرسول صل الله عليه وسلم كان ف مهنة اهل بيته كان بيساعدهم وكان يخيط ملابسه بنفسه
في الأخير
تعاونوا سويا في كل حاجه في البيت تربيه الأولاد
وعينوا بعض على مسؤوليات الحياه
وصدقوني ساعتها هتعرفوا يعني إيه بيت
وهتعرفوا معني السعادة الحقيقية
اللهم اصلح ذات بينكم جميعا
بقلمي هاله فوزي الشامي
