بقلم/هالة رزق .
أول فارس في حياتي… حبيبي الأول.
شايله اسمه وملامحي بتشبه له .
أنا أبويا يطل تكون الدنيا بخير، أنا أبويا حد جميل .
أبويا ده يدخل قلوب من غير مجهود.
فخورة إني بنتك وبتباهى ب اسمك قد ماعيش .
مثلي الأعلى وتاج رأسي ونن العين .
لو عشت عشان أوفى جميلك عمري كله ما يكفيش .
علمتني إزاي أبقى جميل من قبل ما أحبك حبتني وعلى الأصول ربتني
الناس على سيرتك حباني سيرتك تيجي اتكرم من أجلك وأتقدر.
أبويا علمني إن الكرامة أجمل إحساس وعزة النفس أغلى من الماس .
أنا أبويا معاه الدنيا أمان، شعره الأبيض بيحكي إني اتربيت شبعان ،
ملامحه التعبانة وإيديه الشقيانة رسمتلي الطريق .
اللى عاش طول عمره يكبر واللى عايزني أعلى وأكبر .
أنا أبويا حضنه وطن أنا أبويا لوحده جيش، فيه أمان، بركة ،حنية ، وطيبة والله لو حطيته على الجرح يطيب .
أنا أبويا الضحكة الحلوة وحس البيت أبويا لو تشوفه تحس الدنيا بخير.
أنت لوحدك كفاية من كل الدنيا دي
حلوة الأيام وأنا بتحامى في ظهرك من اللي جاي .
أبويا الأمان والحضن الطيب اللي شايل همي اللي مش عايز من الدنيا غير يشوفني ديماً طيب .
أبويا كل طيبة الدنيا فيه اللي لو تطلب عنيه حتى مبيسألش ليه .
أبويا اللي معاه الدنيا أمان شايلني بين ضلوعه يحميني من الأيام .
أبويا ظهره قوي وياما شالني كتير أووي .
أبويا إن يوم غاب الشمس تغيب .
أنا أموت لو شفتك يوم محني تعبك و وجعك يذبحنى .
أنا زهرة من ذلك الرجل الرائع في بستان الحياة .
