خيانه الروح
كتبه /مروه عدلي
ولأن الثبات والدوام لله وحده وسبحانه من يغير ولا يتغير فدا كله كفيل إنك لا تنزعج من تغيير أحدهم معك فجأة لأن كل شخص وله أسبابه إللى هو مقتنع بيها…عشان كدا معتش بزعل من رحيل أحد من حياتى أو بفرح بقدوم أحد لأنى من البدايه بكون حاطط له مده معينه سوف تنتهى فيها صلاحيته…
بس الفرق إن ممكن شخص يكون نفسه طويل شويه
فتغيب مدته بس فى النهايه لابد من رحيله…وهتلاقى
نفس الأسباب ونفس الأعذار نسخة كربون واحده…
معلش أصل الواقع شىء والحلم شىء…معلش لازم أبعد عشانك وعشانى لأن خايف عليك قبل ما بخاف عليه…معلش الزمن غير الزمن…معلش ومعلش ومعلش
طيب معلش دى مكنتش عارفها وكل الأعذار دى مكنتش عارفها وعارف إنت نفسك حياتك شكلها إيه؟
مكنتش عارف من البدايه هتقدر تكمل ولا لا؟؟؟
أحبابى دخول القلوب ليس بأمر سهل أو هين حتى
تدخلوها ويستأمنكم عليها أصحابها ويسكنونكم بها…
دخول القلب ليس أمر سهل أو هين عندما تجعل قلب وروح شخص يعطيك الأمان والراحه و الإستقرار
والطمأنينة و يأتمنك على قلبه وروحه وجميع أسراره
بكل ما فيها وربما يخبرك بأسرار فى حياته لم يحكيها
لشخص قبل ولم يأتمن أحد عليها غيرك…ثم بعد ذلك
بكل سهوله وبكل برودة مشاعر وموت أحاسيس وجفاء روح وقسوة عقل ترحل من حياته أو تقول له عذر أقبح من ذنب…كونوا أمناء على القلوب ولا تخونوا من اسكنكم إياها فالخيانه ليست خيانة جسد
لجسد فقط إنها (خيانة روح)
