بقلم الشاعر:حسن حلمى
حد فاكر
بيت فى حاره جوه شارع
وسط جامع
من الجوامع قام وصلى
ولا شمعه
بيوم تنور
جوه محراب الكنايس
و الحبايب
كله واقف
وقت قداس المحبه
قام و سمى
آه و آه
يا مصر فيك الحب جامع
كل ناسك
فى الجوامع و الكنايس
حتى نورك
بالمداين
له مناره
فوقها راية بنسر طاير
فوق سماها
يحمى كل الناس خلايق
اللى رايح
واللى راجع
واللى هاجر واللى فارق
واللى حتى
الشمس تحرق
يوم جبينه
وهو شايل فوق كتافه حمل زايد
حمل يمكن اد وسع الكون وأكثر
بس شايف
أن بكره هيبقى أجمل
لما
بلده فى يوم هتكبر
تهدى نورها
للى حاضر واللى غايب
واللى ساكن
بالحوارى و بالشوارع
واللى جوه
قلبه شايل
يوم جميلها
وفى عروقنا
بيجرى نيلها
مصر بينا
هتبقى اجمل
مصر قد الدنيا واكتر
مصر هى
الشمس طله
والعيون تحرس تسمى
بسم ربى
يحفظك دايمآ يا بلدى
حد فاكر
بيت فى حاره جوه شارع
وسط جامع
من الجوامع قام وصلى
ولا شمعه
بيوم تنور
جوه محراب الكنايس
والحبايب
كله واقف
وقت قداس المحبه
قام وصلى
حد فاكر
يوم ما زورنا دى الأماكن
يوم
ما نادت
يوم ما قالت
فين ولادى
كله قام
يفديها نفسه
حتى شيخنا كان بيدعى
ربي يحفظ دى بلادى
والمسيحى كان يصلى
وسط زحمة دى المداين
قال يا ربي تحمى وطنى
حد فاكر
بقلم الشاعر : حسن حلمى
