ارسم صورتك ع الحيطان
واكتب وشخبط ع الورق
أجرى والعب ف الغيطان
على صوتك اللى اتحجب
وإن عجب غنى كمان
يمكن صوتك يتسمع
جلجل وعلى ف الندا
الله اكبر ع الولد
حزنه اتولد من قبل
ما يشوف الحياه
والحياه كانت حكايه
بالنسبه ليه ايام وجع
ولما اموت
اكتبوا فوق التابوت
كان حنين كان بسيط
كان نفسه مره يعيش حياته
زيه زى باقى الخلايق
مهو شئ يدايق
مات وإيده كانت ضعيفه
كان قليل الحيله يعنى
كان ممنوع من اى فرح
كان تملى يعانى جرح
م القريب قبل الغريب
والغريب
كان بيحاول برضو يضحك
جوه صوره ع الحيطان
ابو رامى الاسوانى
٢٠٢٤/٢/١٤
