مغفل كبير اللي بيفتكر إن “قسوة القلب” ميزة، وبيتباهى بيها، وبيشوفها قوة شخصية، وشطارة!.. دي مصيبة تقيلة على راسك معناها بالتبعية إن معاك مفيش لين، مفيش حنية، مفيش أمل في مصالحتك، الأمان منزوع في قربك، مالكش غالي، ولا بتبقى على عزيز..
“قسوة القلب” مش هدف تسعى له، دي حاجة لو صابتك تستحق تزعل على نفسك بسببها، ودليل على غضب ربنا عليك.. القاسية قلوبهم لا أمان لهم، والحانية قلوبهم كل الأمان معهم
احساس الخوف ده من أصعب المشاعر اللي ممكن أي بني آدم يحس بيهاا
الخوف ان أعز الناس علي قلبك يسيبوك فجأة
ان الناس اللي اتعودت علي وجودهم ف حياتك ويومك مابيكملش غير بيهم يختفو ويبعدو وتلاقي نفسك لوحدك تايه وضايع من غيرهم
الخوف ان حاجه حلوة عايشها تنتهي وماتكملش
الخوف انك تعدي باللي انت عديت بيه قبل كدة وتجرب تاني احساس وحش انت بتحاول تنساه
الخوف ان حاجة بتتمناها ونفسك فيها وبتعمل عشانها ماتتحققش وتضيع منك
احساس مستمر بالخوف ملازمنا ف كل حياتنا احساس بشع بيدمر جواك حجات كتير
ويخليك مش قادر تعيش حياتك ومش قادر تحس بطعم الحجات الحلوة اللي عندك
بلاش تستسلم لخوفك من أي شئ اللي هيحصل كمان دقيقة دة في ايد رب العالمين وخوفك مش هيغير شئ بالعكس هتضيع علي نفسك ايام من عمرك ولحظات حلوة مستحيل ترجع و هتندم عليها
سلم أمرك لله ولو مكتوبلك حاجة هتشوفها
عيش وافرح بالنعم الكتير اللي ربنا انعم عليك بيها واللي جايز اووي انت مش واخد بالك منها وغيرك بيتمناها
عيش لحظات السعادة حتي لو بسيطة وقليلة واطلب من ربنا انه يطمنك ويطمن قلبك
وتوقع دايما الخير لأن
