_____
بقلم: امال جراد
______
( العرافة )
بتقول العرافة
كلامها خرافة
بدعة ف خيال
اسمعي ياصبيه
خدي شفته هنيه
واعقدي النيه
قولتلها علي الله
التوكال
تفتحي ليا الفنجان؟
ده شيء محال
ردت عليا
خدي مني الكلام
وارميه ف الميه
قولتلها قولي
قالت فنجانك منور
بسهم مدور
وسكتك سلامه
رديت كملي.
اسمع منك بعد كده
الندامه
قالت ملامه وخناق
عتاب وفراق
كتير حبوا
وكتير خانوا
قولتلها ومالوا
اتاري العرافه
حافظة الكلام
بتقوله ليك وليا
ترمي بياضك
انت وغيرك
وتقولك حليم ستار
وتمشي بسلام
اتاري الفنجان
فنجان شاي
ولاعقدت النيه
ولا يوم صدقت
ربك لما يريد
يفتح لك الف باب
بيكسر الحجر
حتي لو كان صوان
