ماحدش يقدر يقول لحد حبني
بس برده انت كمان
ماينفعش تقوله ماتحبنيش
يمكن.. حبه ليك هو طاقة النور
اللي بيمشي بيها ف عتمة الايام
.. اصل لو بإيده كان دفن قلبه
ولا جرحته الاوهام.. طب إيه..؟.
. هو لازم الحب لقا وهيام؟
لا… بس ده كلام
واوعي تقوله اصبر ياقلب
.. عمر القلب ماكان أيوب
اللي ما عاش الحب.
. مايتكلمش عليه
لأن مايعرفش.. كسرته إيه؟
والا ناره. بتحرق إيه؟
اللي حبك.
. ربنا زرع ف قلبه حبك
هو مادورش عليه
ماتجلدوش.. ماتعذبوش إرفق بقلبه.
وما تظلموش
.. اللي حبك ليه مابتفهموش؟
واسأل نفسك.. هو بيحبني ليه.؟
. يمكن شاف فيك اللي انت ما شفتهوش
ف الاخر القلوب مش بايدينا
واللي فيها انكتب علينا
ماتستغلش ضعف اللي يحبك
لأنك ف يوم هتمر بنفس الضعف
وهتحب
وسلم لي علي أيوب
بقلم هاله فوزي الشامي
